កំពង់ឆ្នាំង៖នៅថ្ងៃទី៦ ខែមេសា ឆ្នាំ២០២៦ លោក ជា សុខរិទ្ធិ អភិបាលរងខេត្តកំពង់ឆ្នាំង បានដឹកនាំ កងកម្លាំងទាំងបី (កងទ័ព នគរបាល និងកងរាជអាវុធហត្ថ) ចូលរួមកិច្ចប្រជុំផ្សព្វផ្សាយច្បាប់ស្តីពី «ការប្រឆាំងការឆបោកតាមប្រព័ន្ធបច្ចេកវិទ្យា» តាមប្រព័ន្ធ Zoom។
កិច្ចប្រជុំនេះបានប្រព្រឹត្តិទៅក្រោមអធិបតីភាព ឯកឧត្តម ឆៃ សុីណារិទ្ធ ទេសរដ្ឋមន្ត្រី អនុប្រធានប្រចាំការ គ.ប.ឆ.ប និងជាប្រធានលេខាធិការដ្ឋាន គ.ប.ឆ.ប។
គោលបំណងនៃកិច្ចប្រជុំផ្សព្វផ្សាយនេះ គឺដើម្បីពង្រឹងការប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យា និងបង្កើនប្រសិទ្ធភាពក្នុងការបង្ក្រាប បទល្មើសបច្ចេកវិទ្យា។ ច្បាប់នេះផ្តោតសំខាន់លើ ការប្រឆាំងបទល្មើសឆបោកតាមប្រព័ន្ធបច្ចេកវិទ្យា ការរៀបចំ ឬដឹកនាំមជ្ឈមណ្ឌលឆបោកបច្ចេកវិទ្យា ព្រមទាំងការដាក់ទោសធ្ងន់ធ្ងរចំពោះជនល្មើស និរួមចំណែកកាត់បន្ថយបទល្មើសឆបោកតាមប្រព័ន្ធបច្ចេកវិទ្យានៅកម្ពុជា។
