ឯកឧត្តម ឧត្តមសេនីយ៍ទោ ហ៊ុន គឹមជាតិ និង លោកជំទាវ ផ្តល់អាហាររូបករណ៍កម្រិតបរិញ្ញាបត្ររង ជំនាញព័ត៌មានវិទ្យា ចំនួន ៥០ នាក់

ភ្នំពេញ៖ ឯកឧត្តម ឧត្តមសេនីយ៍ទោ ហ៊ុន គឹមជាតិ ប្រធាននាយកដ្ឋានកណ្តាលនគរបាលយុត្តិធម៌ និង លោកជំទាវ បានផ្តល់អាហាររូបករណ៍កម្រិតថ្នាក់បរិញ្ញាបត្ររង ជំនាញព័ត៌មានវិទ្យា (IT) ចំនួន ៥០ នាក់ ដើម្បីសិក្សានៅវិទ្យាស្ថានជាតិពាណិជ្ជសាស្រ្ត។

អាហាររូបករណ៍ទាំងនេះ ស្ថិតក្នុងកម្រិតសញ្ញាបត្រជាន់ខ្ពស់បច្ចេកទេស (បរិញ្ញាបត្ររង) ដោយបែងចែកតាមជំនាញដូចខាងក្រោម៖

១. ការដំឡើងបណ្តាញ និងសរសេរកម្មវិធីកុំព្យូទ័រ ចំនួន ១០ នាក់
២. ព័ត៌មានវិទ្យាធុរកិច្ច ចំនួន ៥ នាក់
៣. វិស្វកម្មសរសេរនិងបង្កើតកម្មវិធីដំណើរការលើកុំព្យូទ័រ ចំនួន ១០ នាក់
៤. បច្ចេកវិទ្យាឌីជីថលអនុវត្ត (Applied Digital Technologies) ចំនួន ៥ នាក់
៥. សេវាកម្មគាំទ្រកុំព្យូទ័រ (Computer Support Servicing) ចំនួន ៥ នាក់
៦. វិស្វកម្មសហ្វវែរ (Software Engineering) ចំនួន ៥ នាក់
៧. វិស្វកម្មបណ្តាញកុំព្យូទ័រ (Network Engineering) ចំនួន ១០ នាក់

ការផ្តល់អាហាររូបករណ៍នេះ គឺជាការរួមចំណែកក្នុងការលើកកម្ពស់ធនធានមនុស្សវ័យក្មេងក្នុងវិស័យព័ត៌មានវិទ្យា និងបច្ចេកវិទ្យាឌីជីថល នៅកម្ពុជា។