RNR NEWS អអិនអ ញូស៍

កំពង់ឆ្នាំង៖ គណៈកម្មការរដ្ឋបាលដីធ្លីខេត្តកំពង់ឆ្នាំង បានប្រកាសបិទផ្សាយជាសាធារណៈនូវឯកសារនៃការវិនិច្ឆ័យលើការចុះបញ្ជីដីធ្លីមានលក្ខណៈជាប្រព័ន្ធ រយៈពេល ១៥ថ្ងៃ សម្រាប់ភូមិចំនួន ៨ ស្ថិតក្នុងឃុំពាម ស្រុកសាមគ្គីមានជ័យ ខេត្តកំពង់ឆ្នាំង។ ពិធីបិទផ្សាយត្រូវបានធ្វើឡើងនៅបរិវេណវត្តតាំងខ្មៅ នាថ្ងៃទី១៦ ខែតុលា ឆ្នាំ២០២៦ ក្រោមអធិបតីភាពលោក មុឹង វុធី អភិបាលរងខេត្តកំពង់ឆ្នាំង ដោយមានការចូលរួមពីលោក សន សំអាត អភិបាលរងស្រុក លោក លី សុភា ប្រធានមន្ទីររៀបចំដែនដី នគរូបនីយកម្ម សំណង់ និងសូរិយោដីខេត្ត មន្ត្រីអង្គភាពពាក់ព័ន្ធ…

បែលហ្ស៊ិក៖ មានការបញ្ជាក់ពីការស្លាប់២នាក់ ដោយសារវីរុស West Nile ដែលជាជំងឺឆ្លងតាមរយៈសត្វ​មូស នាថ្ងៃទី១៥ ខែតុលា ឆ្នាំ២០២៦នេះ​ នៅតំបន់ Flanders របស់​ប្រទេសបែលហ្ស៊ិកហើយបច្ចុប្បន្ន កំពុងរីករាលដាលពាសពេញទ្វីបអឺរ៉ុប។ វីរុសនេះអាចបង្កឱ្យមានរោគសញ្ញាស្រដៀងនឹងជំងឺផ្តាសាយ ប៉ុន្តែក្នុងករណីធ្ងន់ធ្ងរ វាអាចបណ្តាលឱ្យមានអាការៈ«ញ័រខ្លួន គ្រុនក្តៅ សន្លប់ និងការហើមជាលិកាខួរក្បាល ឬហៅថា រលាកខួរក្បាល ដែលអាចបណ្តាលឱ្យស្លាប់។ វាក៏អាចបង្កឱ្យមានជំងឺរលាកស្រោមខួរក្បាលផងដែរ។ យោងតាមប្រព័ន្ធផ្សព្វផ្សាយក្នុងស្រុក បាន​ឱ្យដឹង​ថា តំបន់ភាគខាងជើងនៃប្រទេសបែលហ្ស៊ិកមួយនេះ បានបញ្ជាក់ពីការ​ឆ្លងចំនួន ១៤ករណី ក្នុងនោះស្លាប់២ករណីនេះ។ មជ្ឈមណ្ឌលអឺរ៉ុប…

ឌាហរ៉ាន (អារ៉ាប៊ីសាអូឌីត) ៖ ក្រុមប្រដាប់អាវុធហ៊ូធីដែលគាំទ្រដោយអ៊ីរ៉ង់នៅយេម៉ែន បានបាញ់មីស៊ីល និងដ្រូនវាយប្រហារទៅលើទីស្នាក់ការក្រុមហ៊ុនប្រេងយក្ស Saudi Aramco នៅទីក្រុងឌាហរ៉ាន កាលពីយប់ថ្ងៃអង្គារ ទី១៣ ខែតុលា ឆ្នាំ២០២៦ ដោយបង្កអគ្គីភ័យមានកំណត់នៅអគាររដ្ឋបាល ប៉ុន្តែគ្មានជនរងគ្រោះឡើយ។ ក្រសួងថាមពលអារ៉ាប៊ីសាអូឌីតបានបញ្ជាក់ថា អគាររដ្ឋបាលមួយនៃបរិវេណទីស្នាក់ការ Aramco ត្រូវបានវាយប្រហារ បណ្ដាលឱ្យមានភ្លើងឆេះតិចតួច។ ក្រុមជួយសង្គ្រោះបានគ្រប់គ្រងស្ថានការណ៍ភ្លាមៗ ហើយមិនមានរបាយការណ៍អំពីការខូចខាតដល់ការផលិតប្រេង បំពង់បង្ហូរ ឬកំពង់ផែនាំចេញឡើយ។ ការវាយប្រហារនេះជាផ្នែកនៃរលកវាយប្រហារជាច្រើនថ្ងៃចុងក្រោយរបស់ក្រុមហ៊ូធីលើទីក្រុងជាច្រើននៅអារ៉ាប៊ីសាអូឌីត រួមទាំងរដ្ឋធានីរីយ៉ាដ។ សម្ព័ន្ធមិត្តដឹកនាំដោយអារ៉ាប៊ីសាអូឌីតបានប្រកាសថា ខ្លួនបានបាញ់ស្ទាក់មីស៊ីល និងដ្រូនជាច្រើនគ្រឿង។ ក្នុងរយៈពេលមួយសប្តាហ៍កន្លងមក…

ប៉ារីស៖ ការប៉ះទង្គិចយ៉ាងហិង្សារវាងបាតុករ និងមន្ត្រីនគរបាលបង្ក្រាបកុបកម្មបានផ្ទុះឡើងនៅតាមដងផ្លូវក្នុងទីក្រុងប៉ារីស និងតំបន់ផ្សេងទៀត បន្តរហូតដល់ថ្ងៃអង្គារ ទី១៣ ខែតុលា ឆ្នាំ២០២៦ បណ្តាលឱ្យមន្ត្រីនគរបាល និងសិស្សជាច្រើនរងរបួស។ មន្ត្រីនគរបាលកុបកម្មបានប្រើរថយន្តបាញ់ទឹក និងឧស្ម័នបង្ហូរទឹកភ្នែក ដើម្បីបំបែករលកបាតុកម្មរបស់សិស្សានុសិស្សដែលកំពុងរីករាលដាលទូទាំងប្រទេស។ ចលនាតវ៉ានេះចាប់ផ្តើមតាំងពីថ្ងៃទី២១ ខែកញ្ញា នៅតំបន់ក្រេតេយ (Créteil) ដោយសារសិស្សខឹងនឹងកង្វះគ្រូបង្រៀន ថ្នាក់រៀនកកកុញ និងអាគារសាលាចាស់ទ្រុឌទ្រោម។ វាបានរីករាលដាលឈានដល់ការបិទផ្លូវ ធ្វើកូដកម្ម និងការដុតបំផ្លាញអាគារសាលាមួយចំនួន។ គិតត្រឹមថ្ងៃទី៨ ខែតុលា មនុស្សជិត ៧,០០០ នាក់ (ភាគច្រើនជាអនីតិជន) ត្រូវសមត្ថកិច្ចឃាត់ខ្លួន។…

វ៉ាទីកង់៖ សម្តេចប៉ាបលីអូ ទី១៤ ត្រូវបានគ្រូពេទ្យរកឃើញថាមានជំងឺមហារីកសួតប្រភេទ adenocarcinoma ក្នុងកំឡុងពេលវះកាត់យកដុំសាច់ចេញពីសួតរបស់ព្រះអង្គ កាលពីថ្ងៃទី១៣ ខែតុលា ឆ្នាំ២០២៦។ យោងតាមសេចក្តីថ្លែងការណ៍ផ្លូវការរបស់បុរីវ៉ាទីកង់ ការវះកាត់ត្រូវបានធ្វើឡើងនៅមន្ទីរពេទ្យ Gemelli ក្នុងទីក្រុងរ៉ូម ដោយក្រុមគ្រូពេទ្យឯកទេសផ្នែកវះកាត់សួត ដឹកនាំដោយ លោកសាស្ត្រាចារ្យ Stefano Margaritora។ ក្នុងប្រតិបត្តិការដែលមានរយៈពេលប្រហែល ៩០ នាទី (សរុបនៅក្នុងបន្ទប់វះកាត់ប្រហែល ៣ ម៉ោង) គ្រូពេទ្យបានយកផ្នែកខាងក្រោមនៃសួតខាងស្តាំចេញទាំងស្រុង ដោយប្រើបច្ចេកទេស video-assisted surgery ដើម្បីធានាថាយកដុំសាច់ និងជាលិកាជុំវិញចេញអស់។…

បរទេស៖ តម្លៃប្រេងឆៅបានធ្លាក់ចុះនៅថ្ងៃអង្គារ ទី១៣ ខែតុលា ឆ្នាំ២០២៦ ហើយកំពុងឆ្ពោះទៅរកការធ្លាក់ចុះជាលើកដំបូងក្នុងរយៈពេលជិតមួយសប្តាហ៍។ ការធ្លាក់ចុះនេះកើតឡើង ខណៈពាណិជ្ជករកំពុងវាយតម្លៃហានិភ័យផ្គត់ផ្គង់ដែលបណ្តាលមកពីការវាយប្រហារលើប្រទេសអារ៉ាប៊ីសាអូឌីត ព្រមទាំងថ្លឹងថ្លែងពីលទ្ធភាពទទួលបានការផ្គត់ផ្គង់ប្រេងម៉ាស៊ូតបន្ថែមពីប្រទេសរុស្ស៊ី។ យោងតាមរបាយការណ៍របស់ Channel News Asia (CNA) និង Reuters តម្លៃប្រេងឆៅប្រភេទ Brentបានធ្លាក់ចុះប្រហែល ១,១៨ ទៅ ១,៦២ ដុល្លារ (ប្រហែល ១,១% ទៅ ១,៥%) មកនៅត្រឹមប្រហែល ១០៥,០៣ ទៅ ១០៥,៤៧…

កំពត ៖រូបសំណាក “បាតដៃលំហ” ដែលទើបបើកឱ្យចូលទស្សនាបណ្តោះអាសន្នសម្រាប់រដូវកាលពិធីបុណ្យភ្ជុំបិណ្ឌ នៅមាត់ព្រែកខេត្តកំពត បានស្រូបទាញភ្ញៀវទេសចរយ៉ាងច្រើនកុះករ ឱ្យមកលេងកម្សាន្ត និងផ្តិតយករូបភាពពីទិដ្ឋភាពដ៏ថ្មីប្លែកនេះ ទុកជាអនុស្សាវរីយ៍ជាមួយមិត្តភ័ក្តិ ក្រុមគ្រួសារ ក៏ដូចជាមនុស្សជាទីស្រលាញ់។ ជាក់ស្តែង នៅថ្ងៃទី១១ ខែតុលា ឆ្នាំ២០២៦ ដែលជាថ្ងៃភ្ជុំធំ ខេត្តកំពតបានទាក់ទាញភ្ញៀវទេសចរចំនួន ៤៧.៧២៦នាក់ ទាំងភ្ញៀវជាតិ និងអន្តរជាតិ ដែលបានធ្វើដំណើរទៅកម្សាន្តនៅតាមរមណីយដ្ឋាននានា និងស្នាក់នៅក្នុងខេត្ត។ ក្នុងចំណោមភ្ញៀវទេសចរសរុបនេះ ភ្ញៀវទេសចរជាតិមានចំនួន ៤៧.៣៣៥នាក់ ខណៈភ្ញៀវទេសចរអន្តរជាតិមានចំនួន ៣៩១នាក់។ សម្រាប់ការបើកដំណើរការបណ្តោះអាសន្នរូបសំណាកបាតដៃ មានភ្ញៀវប្រមាណ ៣.៥០០នាក់មកទស្សនា…

កំពង់ឆ្នាំង ៖ នៅព្រឹកថ្ងៃទី១៤ ខែតុលា ឆ្នាំ២០២៦ រដ្ឋបាលខេត្តកំពង់ឆ្នាំង បានរៀបចំប្រារព្ធពិធីគោរពព្រះវិញ្ញាណក្ខន្ធថ្វាយ ព្រះករុណា ព្រះបាទសម្តេចនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ គម្រប់ខួប១៤ឆ្នាំ។ ពិធីនេះបានប្រព្រឹត្តទៅក្រោមអធិបតីភាព ឯកឧត្តម សុីវ រុន ប្រធានក្រុមប្រឹក្សាខេត្ត និងឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង។ មានការអញ្ជើញចូលរួមពីសំណាក់ឯកឧត្តម លោកជំទាវអ្នកតំណាងរាស្ត្រមណ្ឌលកំពង់ឆ្នាំង ថ្នាក់ដឹកនាំគ្រប់ជាន់ថ្នាក់ មន្ត្រីរាជការ កងកម្លាំងប្រដាប់អាវុធ…

សៀមរាប៖គ្រោះថ្នាក់ចរាចរណ៍ធ្ងន់ធ្ងរមួយបាន កើតឡើងនៅថ្ងៃទី១២ ខែតុលា ឆ្នាំ២០២៦ លើផ្លូវក្រវ៉ាត់ក្រុងសៀមរាប ស្ថិតក្នុងភូមិគ្រួស សង្កាត់ស្វាយដង្គំ ក្រុងសៀមរាប។ យោងតាមប្រភពព័ត៌មាន នៅពេលកើតហេតុ រថយន្តតូយ៉ូតាព្រូសពណ៌ស ពាក់ស្លាកលេខ ភ្នំពេញ 2BB-3816 បានបុកចំពេញទំហឹងទៅលើរ៉ឺម៉កមួយគ្រឿង បណ្ដាលឱ្យរ៉ឺម៉កធ្លាក់ចូលប្រឡាយ។ ម្ចាស់រ៉ឺម៉កឈ្មោះ វន់ សុវន អាយុ៤៧ឆ្នាំ បានស្លាប់នៅកន្លែងកើតហេតុ ខណៈអ្នករងរបួសធ្ងន់-ស្រាលមានចំនួនជិត១០នាក់។ ក្រោយកើតហេតុ អ្នកបើកបររថយន្តតូយ៉ូតាព្រូសបានរត់ចោលរថយន្តនៅកន្លែងកើតហេតុ ហើយរត់បាត់។ បច្ចុប្បន្ន អាជ្ញាធរមានសមត្ថកិច្ចកំពុងស៊ើបអង្កេតករណីនេះ និងតាមរកខ្លួនអ្នកបើកបរដែលបានរត់ចោល។  

កំពត៖ កុមារចំនួន ៥នាក់បានលង់ទឹកសមុទ្រ កាលពីវេលាម៉ោង ៥:៣០នាទីល្ងាច ថ្ងៃទី១២ ខែតុលា ឆ្នាំ២០២៦ បន្ទាប់ពីចុះលេងទឹកនៅចំណុចព្រែកកំពង់បាយ ក្នុងភូមិសាស្ត្រខេត្តកំពត ដោយសាររលកសមុទ្រធំៗបោកបក់។ ក្នុងហេតុការណ៍នេះ កម្លាំងសមត្ថកិច្ច និងក្រុមម៉ូតូទឹកបានអន្តរាគមន៍ជួយសង្គ្រោះកុមារបានចំនួន ៤នាក់ ខណៈកុមារប្រុសម្នាក់បានបាត់បង់ជីវិត។ កុមារដែលបានបាត់បង់ជីវិតមានឈ្មោះ អែម ភក្តី អាយុ ៧ឆ្នាំ មានទីលំនៅភូមិសៀមរាប ឃុំសៀមរាប ស្រុកកណ្តាលស្ទឹង ខេត្តកណ្តាល។ ក្រោយកើតហេតុ កម្លាំងវរសេនាតូចនគរបាលការពារព្រំដែនទឹកលេខ២៤១ ប្រចាំខេត្តកំពត បានសហការជាមួយកម្លាំងស្នងការដ្ឋាននគរបាលខេត្តកំពត និងក្រុមម៉ូតូទឹក…