Category: ព័ត៌មានជាតិ

ខេត្តកំពង់ស្ពឺ​ ៖កាលពីល្ងាចថ្ងៃទី១០ ខែកញ្ញា ឆ្នាំ ២០២៥ នៅភូមិដំបូងខ្ពស់ ឃុំត្រែងត្រយឹង ស្រុកភ្នំស្រួចខេត្តកំពង់ស្ពឺ នគរបាលស្រុកភ្នំស្រួចបានឃាត់ខ្លួនបុរសម្នាក់ពី បទហិង្សាដោយចេតនាក្រោយពេលបុរសរូបនោះ ខឹងរឿងបាត់មាន់មួយក្បាលបែរជាទៅវាយនឹងគំរាមកាប់ទៅលើស្ត្រីជិតខាងម្នាក់បណ្ដាលឲ្យរោងរបួស។ សមត្ថកិច្ចនគរបាល​ស្រុក​ភ្នំស្រួច​បាន​និយាយ​ឱ្យ​ដឹង​ថា បុរស​ជា​ជន​ដៃដល់​ដែល​នគរ បាល​ធ្វើការ​ឃាត់ខ្លួន​នោះ ​មានឈ្មោះ ញឹ​ម វុ​ទ្ធី អាយុ​៤៣​ឆ្នាំ រស់នៅ​ក្នុង​ដំបូក​ខ្ពស់ ឃុំ​ត្រែង​ត្រ​យឹ​ង ស្រុក​ភ្នំស្រួច ខេត្តកំពង់ស្ពឺ​ ។ ចំណែកឯ​ស្ត្រី​វ័យ​ចំណាស់​រង​គ្រោះ​មានឈ្មោះ ណុ​ប កក្កដា អាយុ​៥៩​ឆ្នាំ រស់នៅ​ក្នុងភូមិ​ដំបូក​ខ្ពស់ ឃុំ​ត្រែង​ត្រ​យឹ​ង ស្រុក​ភ្នំស្រួច…

កំពង់ឆ្នាំង ÷ លោកជំទាវ កែ ច័ន្ទមុនី អ្នកតំណាងរាស្រ្តមណ្ឌលកំពង់ឆ្នាំង ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង និងលោកជំទាវ និងឯកឧត្តម សុីវ រុន ប្រធានក្រុមប្រឹក្សាខេត្ត បានដឹកនាំមន្រ្តីរាជការចូលរួមពិធីបិណ្យកាន់បិណ្ឌវេនទី៤ នៅវត្តអារញិការាម ស្ថិតក្នុងសង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង នាថ្ងៃព្រហស្បតិ៍ ៤រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១១ ខែកញ្ញា ឆ្នាំ២០២៥…

ស្ថានភាពធាតុអាកាសនៅព្រះរាជាណាចក្រកម្ពុជា សម្រាប់ថ្ងៃទី៩ ខែកញ្ញា ឆ្នាំ២០២៥៖ វិសម្ពាធទាបដែលកើតនៅសមុទ្រចិនខាងត្បូងបានវិវត្តទៅជាព្យុះទី១៦ឈ្មោះ តាប៉ាស(Tapah) T2516 ក្នុងឆ្នាំ២០២៥ មានឥទ្ធិពលលើសមុទ្រអានដាមម៉ែន ឈូងសមុទ្រថៃ អាងទន្លេមេគង្គ លើរបបខ្យល់មូសុងនិរតី និងព្រះរាជាណាចក្រកម្ពុជា។ គន្លងផ្លូវដើររបស់ព្យុះ តាប៉ាស នេះ ពុំមានឥទ្ធិពលខ្លាំងមកលើព្រះរាជាណាចក្រកម្ពុជានោះទេ។ ស្ថានភាពបែបនេះនឹងធ្វើឱ្យ ចាប់ពីថ្ងៃទី៩ ដល់ថ្ងៃទី១១ ខែកញ្ញា ឆ្នាំ២០២៥៖  

រូបភាពដែលយើងបានឃើញ និងសំឡេងយន្តហោះដែលហោះកាត់​លើដំបូលផ្ទះនៅតំបន់ពោធិ៍ចិនតុង និងចោមចៅ នឹងបាត់ចាប់ពីថ្ងៃទី៩ ខែកញ្ញា ឆ្នាំ២០២៥នេះអាកាសយានដ្ឋានអន្តរជាតិភ្នំពេញ នឹងត្រូវបិទទ្វាទាំងស្រុង ខណៈ: អាកាសយានដ្ឋានអន្តរជាតិតេជោ ចូលខ្លួនមកបម្រើសេវាអាកាសចរណ៍ជំនួស។ ព្រឹត្តិការណ៍នេះជាការសាទរចំពោះសមិទ្ធផលថ្មីរបស់កម្ពុជា ដែលមានអាកាសយានដ្ឋានថ្មី និងធំបំផុត​នៅកម្ពុជា​ ប៉ុន្តែអវត្តមានរបស់អាកាសយានដ្ឋានអន្តរជាតិភ្នំពេញ បានបន្សល់នូវអនុស្សាវរីយ ដល់ពលរដ្ឋទាំងក្នុងប្រទេសនិងក្រៅប្រទេស ដំណើរ​ដែលធ្លាប់​ធ្វើដំណើរតាម​អាកាសយានដ្ឋាននេះ និងអ្នកដែលរស់នៅជិតអាកាសយានដ្ឋាន។ ជាពិសេស​អ្នករស់នៅតំបន់ជុំវិញអាកាសយានដ្ឋាន និង​អ្នកដំណើរតាម​ផ្លូវ​សហព័ន្ធ​រុស្ស៊ី ដែលតែងឃើញ និងឮសំឡេងយន្តហោះជារៀងរាល់ថ្ងៃ មិនថាព្រឹក ឬយប់នោះទេ។ អាកាសយានដ្ឋានអន្តរជាតិភ្នំពេញ ដល់ពេលសម្រាកហើយ ក្រោយបំពេញបេសក កម្មក្នុងការផ្ដល់សេវាផ្នែកអាកាសចរណ៍អស់រយៈពេល៦៦ឆ្នាំ។ អាកាសយានដ្ឋានអន្តរជាតិភ្នំពេញ នឹង​បញ្ចប់ប្រតិបត្តិការ​នៅម៉ោង​១២៖០០យប់…

កាសយានដ្ឋានអន្តរជាតិភ្នំពេញ គឺជាច្រកទ្វារអាកាសដ៏សំខាន់របស់កម្ពុជា ដែលបានបម្រើប្រយោជន៍ជាតិអស់រយៈពេល ៦៦ ឆ្នាំ។ ចាប់តាំងពីការបើកដំណើរការជាផ្លូវការនៅឆ្នាំ ១៩៥៩ អាកាសយានដ្ឋាននេះបានក្លាយជានិមិត្តសញ្ញានៃការតភ្ជាប់ និងការអភិវឌ្ឍសេដ្ឋកិច្ច វប្បធម៌ និងសង្គមរបស់ប្រទេសកម្ពុជា។ ពលរដ្ឋខ្មែរគ្រប់រូប មានមោទនភាព និងដឹងគុណចំពោះតួនាទីដ៏ធំធេងរបស់អាកាសយានដ្ឋាននេះ ដែលបានរួមចំណែកដល់ការលើកកម្ពស់កិត្យានុភាពជាតិលើឆាកអន្តរជាតិ។ នៅដើមឆ្នាំ ១៩៥៩ អាកាសយានដ្ឋានអន្តរជាតិភ្នំពេញ (ដែលពីមុនហៅថា អាកាសយានដ្ឋានពោធិ៍ចិនតុង) ត្រូវបានបង្កើតឡើងជាមួយនឹងហេដ្ឋារចនាសម្ព័ន្ធសាមញ្ញ ប៉ុន្តែបានដើរតួជាស្ពានអាកាសដ៏សំខាន់សម្រាប់ភ្ជាប់កម្ពុជាទៅកាន់ពិភពលោក។ តាមរយៈការអភិវឌ្ឍជាបន្តបន្ទាប់ អាកាសយានដ្ឋាននេះបានក្លាយជាមជ្ឈមណ្ឌលដឹកជញ្ជូនដ៏ទំនើប ដែលសម្របសម្រួលការធ្វើដំណើររបស់អ្នកដំណើររាប់លាននាក់ជារៀងរាល់ឆ្នាំ។ មិនត្រឹមតែបម្រើអ្នកដំណើរប៉ុណ្ណោះទេ អាកាសយានដ្ឋាននេះក៏ជួយសម្រួលដល់ការដឹកជញ្ជូនទំនិញ និងការផ្លាស់ប្តូរពាណិជ្ជកម្មអន្តរជាតិផងដែរ។ ក្នុងរយៈពេល ៦៦…

ត្បូងឃ្មុំ៖ ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ និងលោកជំទាវ ហេង សំអាន ប៉ែនកុសល្យ និងលោកជំទាវ ឡេង សុខា សមាជិកក្រុមប្រឹក្សាខេត្ត តំណាងដ៏ខ្ពង់ខ្ពស់ ឯកឧត្តម ឡុង ធាម ប្រធានក្រុមប្រឹក្សាខេត្ត បានដឹកនាំថ្នាក់នាំខេត្ត ប្រធាន-អនុប្រធានមន្ទីរអង្គភាពជុំវិញខេត្ត និងមន្រ្តីរាជការ នៃរដ្ឋបាលខេត្ត អញ្ជើញកាន់បិណ្ឌវេនទី១ និងរាប់បាត្រ នៅវត្តតេជសុវណ្ណភូមិ ស្ថិតនៅភូមិនិគមលើ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ នៅព្រឹកថ្ងៃទី០៨…

ភ្នំពេញ: ទីស្តីការក្រសួងបរិស្ថាន៖ ឯកឧត្តមបណ្ឌិត អ៊ាង សុផល្លែត បានបង្ហាញពីឱកាសដ៏មានសក្ដានុពលសម្រាប់សហគ្រិនវ័យក្មេង ក្នុងការទាញយកថវិកាពី «មូលនិធិបៃតង» ដើម្បីចូលរួមអនុវត្តយុទ្ធសាស្រ្តចក្ត្រាវិស័យបរិស្ថាន ព្រមទាំងបានផ្តល់នូវយុទ្ធសាស្ត្រគន្លឹះ៣ចំណុច ដើម្បីទាក់ទាញការវិនិយោគ។ នេះជាការថ្លែងឡើងរបស់រដ្ឋមន្រ្តីក្រសួងបរិស្ថាន នៅក្នុងជំនួបសម្តែងការគួរសម និង ពិភាក្សាការងារ។ នៅថ្ងៃទី ៨ ខែកញ្ញា ឆ្នាំ២០២៥ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានទទួលជួបសម្តែងការគួរសម និងពិភាក្សាការងារ ជាមួយប្រតិភូនៃសមាគមសហគ្រិនសកល ១ភាគរយ (G-1%Club) ចំនួន ១៣រូប…

ភ្នំពេញ:នៅព្រឹកថ្ងៃទី ៨ ខែកញ្ញាឆ្នាំ ២០២៥នេះ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានបញ្ជាក់ឱ្យដឹងថា ស្ពានមិត្តភាពកម្ពុជា-ចិន មេគង្គក្រចេះ បានបើកឱ្យប្រជាពលរដ្ឋឆ្លងកាត់បណ្តោះអាសន្នក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ រយៈពេល២១ថ្ងៃ គិតចាប់ពីថ្ងៃនេះ ដល់ថ្ងៃទី២៨ ខែកញ្ញា ឆ្នាំ២០២៥។ ចំពោះមធ្យោបាយធ្វើដំណើរដែលត្រូវបានអនុញ្ញាតរួមមាន៖ អ្នកដំណើរថ្មើរជើង ទោចក្រយានយន្ត រថយន្តធុនតូច និងរថយន្តទេសចរណ៍ចាប់ពី ១២កៅអីចុះ។ចប់ការអនុញ្ញតឱ្យឆ្លងកាត់ដូចកាលបរិច្ឆេទខាងលើ ក្រុមការងារការដ្ឋាននឹងបន្តបិទ ដើម្បីបង្ហើយកិច្ចការការដ្ឋានមួយចំនួនតាមបច្ចេកទេសសាងសង់។ ក្នុងពេលបើកឱ្យឆ្លងកាត់ជាបណ្តោះអាសន្ននេះ លោក ផន…

នៅព្រឹកថ្ងៃទី៨ ខែកញ្ញា ឆ្នាំ២០២៥នេះ    សម្តេច អគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញទទួលបដិសណ្ឋារ កិច្ចស្វាគមន៍ នូវដំណើរបំពេញទស្សនកិច្ចផ្លូវរដ្ឋ របស់ ឯកឧត្តម Ferdinand Romualdez Marcos Jr. ប្រធានាធិបតីនៃសាធារណរដ្ឋហ្វីលីពីន និងលោកជំទាវ Louise Araneta-Marcos ក្នុងឱកាសដែល ឯកឧត្តម និងលោកជំទាវ អញ្ជើញបំពេញទស្សនកិច្ចផ្លូវរដ្ឋរយៈពេល៣ថ្ងៃ…

នៅវត្តរាជបូណ៌ ក្រុងសៀមរាប នាព្រឹកថ្ងៃទី៧ ខែកញ្ញា ឆ្នាំ ២០២៥ បានរៀបចំពិធីបុណ្យទក្ខិណានុប្បទានដើម្បីជូនបុណ្យចំពោះវីរជនកងទ័ពខ្មែរគ្រប់លំដាប់ថ្នាក់ ដែលកំពុងបំពេញបេសកកម្មនៅសមរភូមិ និង ឧទ្ទិសកុសលជូនចំពោះវិញ្ញាណក្ខន្ធវីវកងទ័ពដែលបានពលីជីវិត ក្នុងបុព្វហេតុជាតិ ការពារបូរណភាពទឹកដី ក្នុងអំឡុងពេលនៃជម្លោះព្រំដែន កម្ពុជា-ថៃ ក្នុងការឧទ្ទិសមហាកុសលថ្វាយចំពោះព្រះមហាវីរក្សត្រខ្មែរគ្រប់ជំនាន់។ ពិធីបុណ្យទក្ខិណានុប្បទាន មានការអញ្ជើញចូលរួមដ៏ខ្ពង់ខ្ពស់របស់សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណា ចក្រកម្ពុជា និងជាប្រធានក្រុមប្រឹក្សាជាតិរណសិរ្សសាមគ្គី អភិវឌ្ឍន៍មាតុភូមិកម្ពុជា អមដំណើរដោយលោកជំទាវ ខេង សំវ៉ាដា ប្រាក់ សុខុន សមាជិការដ្ឋសភា…