ប្រេងឆៅមួយបារ៉ែល (៤២ហ្គាឡុង ឬប្រហែល ១៥៩លីត្រ) អាចត្រូវបានចម្រាញ់ទៅជាផលិត ផលប្រើប្រាស់សំខាន់ៗជាច្រើនប្រភេទ ដែលជួយផ្តល់ថាមពលដល់ជីវិតប្រចាំថ្ងៃ និងសេដ្ឋកិច្ចពិភព លោក។
យោងតាមទិន្នន័យឧស្សាហកម្មប្រេងឥន្ធនៈ ប្រេងឆៅមួយបារ៉ែល នៅពេលត្រូវបានដំណើរការចម្រាញ់នៅរោងចក្រ នឹងផ្លាស់ប្តូរទៅជា៖
-ប្រេងសាំង៤២%៖ ប្រើប្រាស់ជាចម្បងសម្រាប់រថយន្ត ម៉ូតូ និងរថយន្តធុនស្រាល។
-ប្រេងម៉ាស៊ូត ២៧%៖ សម្រាប់រថយន្តដឹកទំនិញ រថយន្តក្រុង ម៉ាស៊ីនភ្លើង និងការប្រើប្រាស់ក្នុងឧស្សាហកម្ម។
– ប្រេងឥន្ធនៈយន្តហោះ (Kerosene/Jet Fuel) ១០% ប្រើសម្រាប់យន្តហោះពាណិជ្ជកម្ម។
-ឧស្ម័ន LPG ៤%៖ ប្រើប្រាស់ក្នុងការចម្អិនអាហារ និងផ្តល់ថាមពលកម្តៅក្នុងគេហដ្ឋាន។
-គីមីឥន្ធនៈ (Naphtha) ៧%៖ ជាវត្ថុធាតុដើមសម្រាប់ផលិតផ្លាស្ទិច និងគីមីផ្សេងៗ។
-ប្រេងឥន្ធនៈសមុទ្រ (Bunker Fuel) ៥%៖ ប្រើសម្រាប់កប៉ាល់ដឹកទំនិញ និងពាណិជ្ជកម្មតាមសមុទ្រ។
-ប្រេងរំអិល និងក្រមួន (Lubricants & Wax)២%៖ ប្រើក្នុងម៉ាស៊ីន និងផលិតផលប្រចាំថ្ងៃដូចជាក្រមួនទៀន និងគ្រឿងសម្អាង។
– អាស់ហ្វាល់ត៍ (Asphalt/Bitumen) ៣%៖ ប្រើសម្រាប់ការសាងសង់ផ្លូវថ្នល់ និងហេដ្ឋារចនាសម្ព័ន្ធ។
សូមជម្រាបថា សមាមាត្រខាងលើនេះ អាចប្រែប្រួលខ្លះៗអាស្រ័យលើគុណភាពនៃប្រេងឆៅ និងបច្ចេកវិទ្យាចម្រាញ់របស់រោងចក្រនីមួយៗ។
ប្រេងឆៅមិនត្រឹមតែជាប្រភពថាមពលសំខាន់ប៉ុណ្ណោះទេ ប៉ុន្តែថែមទាំងជាវត្ថុធាតុដើមដ៏មានតម្លៃសម្រាប់ការផលិតផលិតផលរាប់រយប្រភេទនៅជុំវិញពិភពលោក។
