លោក ហេង រតនា អគ្គនាយក នៃមជ្ឈមណ្ឌល សកម្មភាព កំចាត់មីន កម្ពុជា (CMAC) បានឱ្យដឹងថា គ្រាប់ផ្លោង១៥៥មីលីម៉ែត្រ នេះ មានលេខ THS856105-011 155MM M825 បានប្រទះឃេីញនៅតំបន់វាលស្រែ ស្ថិតនៅភូមិ សាស្ត្រស្រុកបន្ទាយអំពិល ខេត្តឧត្តររមានជ័យ។
ជាមួយគ្នានេះលោកក៍បានអំពាវនាវដល់ប្រជាពលរដ្ឋ ប្រុងប្រយ័ត្នជាមួយគ្រាប់មិនទាន់ផ្ទុះសំណល់សង្គ្រាម ដែលមានផ្សែងពុលនេះ ។ ករណីជួបប្រទះឃេីញគ្រាប់ផ្សែងនេះ ត្រូវប្រញាប់រាយការណ៍ទៅកម្លាំងជំនាញស៊ីម៉ាក់ ដេីម្បីចាត់វិធានការសុវត្ថិភាពជូន។
សូមរម្លឹកថា កាលពីព្រឹកថ្ងៃទី២៤-២៨ខែកក្កដា យោធាថៃបានបើកការវាយប្រហារយ៉ាងកម្រោលមកលើទឹកកម្ពុជា។ ក្នុងប្រតិបត្តិការឈ្លានពានទឹកដីក្នុងរយៈពេល៥ថ្ងៃ យោធាថៃបានសព្វាវុធធុនធ្ងន់ និងសាហាវមកលើកម្ពុជា។ ក្នុងនោះ កងទ័ពថៃបានប្រើយន្តហោះចម្បាំង F-16 គ្រាប់បែកចង្កោម ផ្សែងពុល ដ្រូនពិឃាត គ្រាប់បែក MK-84 MK-82…ជាដើម ដែលបង្កឱ្យមានជនស៊ីវិលស្លូតត្រង់ស្លាប់-របួសជាច្រើននាក់។ ការវាយប្រហារយ៉ាងកម្រោលរបស់យោធានេះបានបង្ខំឱ្យប្រជាពលរាប់សិបម៉ឺននាក់ចាកចេញពីភូមិឋានរបស់ខ្លួន៕
