កំពង់ចាម៖ ស្ត្រីមេម៉ាយអាយុ ៥៦ឆ្នាំម្នាក់ ជាម្ចាស់ផ្ទះសំណាក់ «ភូមិច្រានោម» ក្នុងភូមិច្រានោម ឃុំបុសខ្នុរ ស្រុកចំការលើ ខេត្តកំពង់ចាម ត្រូវបានឃាតករសម្លាប់ដោយអំពើហិង្សា នៅយប់ថ្ងៃទី២៣ ខែឧសភា ឆ្នាំ២០២៦។
តាមប្រភពពីសមត្ថកិច្ចបានឱ្យដឹងថា ជនរងគ្រោះឈ្មោះ សៀង ពៅ ជាមេម៉ាយមានកូនពីរនាក់ (កូនៗកំពុងរៀននៅរាជ ធានីភ្នំពេញ) ត្រូវបានរកឃើញសពដេកស្លាប់ផ្កាប់មុខក្នុងថ្លុកឈាម នៅក្នុងបរិវេណផ្ទះសំណាក់របស់ខ្លួន។
ក្រោយពីចុះពិនិត្យកន្លែងកើតហេតុ រួមទាំងពិនិត្យសុវត្ថិ ភាពពីកាមេរ៉ាឃ្លាំមើល សមត្ថកិច្ចបានឃាត់ខ្លួនជនសង្ស័យ អ៊ី បឿន ភេទប្រុស អាយុ ៤៣ឆ្នាំ រស់នៅភូមិវាលធ្នង់ ឃុំបុសខ្នុរ ស្រុកចំការលើ នៅព្រឹកថ្ងៃទី២៤ ខែឧសភា ឆ្នាំ២០២៦។
ជនសង្ស័យមានស្នាមរបួសនៅលើដៃ ដែលជាស្លាក ស្នាមនៃការតស៊ូជាមួយជនរង គ្រោះ។ គាត់ត្រូវបានសង្ស័យថាបានវាយសម្លាប់ជនរងគ្រោះត្រង់ក្បាល និងផ្ទៃមុខ រួចជិះម៉ូតូគេចខ្លួនត្រឡប់ទៅផ្ទះ។
តាមការស៊ើបអង្កេត មុនពេលកើតហេតុ ជនសង្ស័យបានជិះម៉ូតូត្រឡប់មកពីចូលរួមអាពាហ៍ពិពាហ៍មួយកន្លែងនៅភូមិសាមគ្គី រួចឆ្លងមកផ្ទះសំណាក់របស់ជនរងគ្រោះដោយផ្ទាល់។ អ្នកទាំងពីរមិនដែលស្គាល់គ្នាពីមុននោះទេ។
បច្ចុប្បន្ន ជនសង្ស័យត្រូវបានឃុំខ្លួន ខណៈនីតិវិធីនៅបន្ត និងមិនទាន់ដឹងមូលហេតុច្បាស់លាស់នៅឡើយ៕