RNR NEWS អអិនអ ញូស៍

សៀមរាប៖ ក្នុងឱកាសទទួលអំណោយជាថវិកាចំនួន ១ម៉ឺនដុល្លារ ពីលោកឧកញ៉ា គ្រី ទូច និង លោកជំទាវ ទ្រី ង៉ូវណាំ និងសប្បុរសជន នាថ្ងៃទី៣ ខែសីហាកន្លងទៅនេះ ឯកឧត្តម ប្រាក់ សោភ័ណ អភិបាលខេត្តសៀមរាប បានថ្លែងអំណរគុណចំពោះទឹកចិត្តដ៏ស្មោះសររបស់បងប្អូនសប្បុរសជនទាំងអស់ ដែលមានស្មារតីស្រឡាញ់ជាតិ ដោយបានចូលរួមឧបត្ថម្ភគ្រឿងឧបភោគបរិភោគ និងថវិកា ដើម្បីគាំទ្រដល់សមរភូមិជួរមុខ គ្រួសារទ័ព និងបងប្អូនជាជនភៀសសឹកដែលកំពុងស្នាក់នៅក្នុងខេត្តសៀមរាប។ ឯកឧត្តម ប្រាក់ សោភ័ណ ក៏បានអំពាវនាវដល់ឯកឧត្តម លោកជំទាវ អ្នកឧកញ៉ា…

លោក Richard Marles រដ្ឋមន្ត្រីការពារជាតិអូស្ត្រាលី  បានប្រកាសនៅថ្ងៃអង្គារ ទី៥ ខែសីហា ថាអូស្ត្រាលីនឹងធ្វើបច្ចុប្បន្នភាពកងទ័ពជើងទឹករបស់ខ្លួន ជាមួយការបញ្ជាទិញនាវាចម្បាំងប្រភេទ Mogami ១១គ្រឿងផលិតដោយក្រុមហ៊ុនជប៉ុន Mitsubishi។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ អូស្ត្រាលីកំពុងស្ថិតនៅក្នុងដំណាក់កាលនៃការអភិវឌ្ឍសមត្ថភាពយោធាទ្រង់ទ្រាយធំមួយ ដែលត្រូវបានប្រកាសកាលពីឆ្នាំ២០២៣ ជាមួយការផ្ដោតលើសមត្ថភាពវាយប្រហារ រយៈចម្ងាយឆ្ងាយ និងកំពុងប្រឹងប្រែងពង្រីកកងទ័ពជើងទឹករបស់ខ្លួនតាមរយៈការបង្កើនចំនួននាវាចម្បាំងពី ១១គ្រឿង ដល់២៦គ្រឿងក្នុងរយៈពេល១០ឆ្នាំ។ លោក Richard Marles បានគូសបញ្ជាក់ថា«នេះពិតជាកិច្ចព្រមព្រៀងនៃឧស្សាហកម្មការពារជាតិដ៏ធំបំផុតមិនធ្លាប់មានរវាងជប៉ុន និងអូស្ត្រាលី»។ តាមលោកប្រមុខការពារជាតិអូស្ត្រាលីរូបនេះ កិច្ចព្រមព្រៀងទិញនាវាចម្បាំងពីជប៉ុនមានតម្លៃ ៦ពាន់លានដុល្លារ។ គួរបញ្ជាក់ថា…

ភ្នំពេញ៖ មនុស្សជាង ១០០០នាក់ បានមក ជួបជុំគ្នាដើរដោយសន្តិវិធីនៅតាមបណ្តោយវិថីដើរចតុមុខ ដែលបង្ហាញពីសាមគ្គីភាព និងការអាណិតអាសូរដល់កម្ពុជា។ កម្មវិធីនេះរៀបចំឡើងដោយគំនិតផ្តួចផ្តើមដែលដឹកនាំដោយអ្នកស្ម័គ្រចិត្ត CambodiaLovesPeace (កម្ពុជាស្រឡាញ់សន្តិភាព) ក្នុងគោលបំណងអបអរសាទរសន្តិភាព និងសាមគ្គីភាពនៅក្នុងប្រទេសកម្ពុជា។ អ្នកចូលរួមបានប្រមូលផ្តុំគ្នានៅក្បែរមាត់ទន្លេ ដោយបានពាក់អាវយឺតពណ៌សដែលមានបោះពុម្ពពាក្យស្លោក «កម្ពុជាស្រឡាញ់សន្តិភាព»។ ពួកគេបានដើរដង្ហែឆ្លងកាត់បេះដូងនៃរាជធានី គឺមិនមែនក្នុងគោលបំណងតវ៉ានោះទេ ប៉ុន្តែដើម្បីបង្ហាញពីនិមិត្តរូបនៃក្តីសង្ឃឹម និងការរួបរួមគ្នា។  

កំពង់ឆ្នាំង ÷ កាលរសៀលថ្ងៃទី៤ ខែសីហា ឆ្នាំ២០២៥ រដ្ឋបាលខេត្តកំពង់ឆ្នាំង រៀបចំធ្វើពិធីបួងសួងដល់ទសបារមី លោកតាដំបងដែក ជួយថែរក្សាមាតុភូមិកម្ពុជា និងវីរកង ទ័ពកម្ពុជាទាំងអស់ដែលកំពុងប្រយុទ្ធតតាំង ពីការឈ្លានពានពីទ័ពថៃ នៅតាមខ្សែបន្ទាត់ព្រំដែនកម្ពុជា ។ ពិធីបានធ្វើឡើងនៅអសន:លោកតាដំបងដែក ក្រោមអធិបតីភាព ឯកឧត្តម សុីវ រុន ប្រធានក្រុមប្រឹក្សាខេត្ត ឯកឧត្តម ស៊ុន សុវណ្ណារិទ្ធិ អភិបាលខេត្ត និងលោកជំទាវ ផាត សុផាន្នី ព្រមទាំងឯកឧត្តម លោកជំទាវសមាជិកក្រុមប្រឹក្សាខេត្ត អភិបាលរងខេត្ត…

កាលពីព្រឹកថ្ងៃទី៤ ខែសីហា ឆ្នាំ២០២៥ ក្រសួងព័ត៌មាន បើកវគ្គបណ្តុះបណ្តាលជំនាញបច្ចេកទេសកម្រិតមធ្យម លើកទី១ ស្តីពីបច្ចេកវិទ្យាប្រព័ន្ធផ្សព្វផ្សាយ ការផលិតព័ត៌មាន និងការផលិតមាតិកាផ្សព្វផ្សាយ ក្រោមអធិបតីភាព ឯកឧត្តម គឹម គុណវឌ្ឍន៍ តំណាងដ៏ខ្ពង់ខ្ពស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងមានការចូលរួមពី គ្រូឧទ្ទេសចំនួន៧រូប ព្រមទាំងបណ្តាអង្គភាពនានា និងសិក្ខាកាមជាង ១០០នាក់ នៅសាល មណ្ឌលបណ្តុះបណ្តាលវិជ្ជាជីវៈសារព័ត៌មាន។ ក្នុងវគ្គបណ្តុះបណ្តាលនេះចែកចេញជា៣វគ្គ និង៣ជំនាញរួមមាន ជំនាញស្ដីពី ការផលិតមាតិកា ជំនាញស្ដីពី…

ភ្នំពេញ៖ នៅថ្ងៃទី០៤ ខែសីហា ឆ្នាំ២០២៥ នេះ ព្រះករុណា ព្រះបាទសម្តេចព្រះនរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជសារដោយ សូមប្រគល់សិទ្ធិជូន សម្តេចអគ្គមហាសេនាបតីតេជោ ហ៊ុន សែន នាយឧត្តមសេនីយ៍ផុតលេខផ្កាយមាស៥ និងជាប្រធានក្រុមឧត្តមប្រឹក្សាផ្ទាល់ ព្រះមហាក្សត្រ ដើម្បីធ្វើទំនាក់ទំនងជាមួយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា លើកិច្ចការកងទ័ព កិច្ចការការពារជាតិ កិច្ចការការពារអធិបតេយ្យជាតិ និងកិច្ចការការពារបូរណភាពទឹកដីនៃព្រះរាជាណាចក្រកម្ពុជា។ ព្រះរាជសាររបស់ព្រះមហាក្សត្រ មានខ្លឹមសារទាំងស្រុងដូចខាងក្រោម៖ សម្តេចអគ្គមហាសេនាបតីតេជោ…

ភ្នំពេញ៖ លោក ទៀ ស្យាម ដែលស្គាល់ថាជាទិញសិទ្ធិបើកស្ថានីយ៍ប្រេងឥន្ធនៈ PTT នៅកម្ពុជា បានផ្ដួចផ្ដើមគំនិតក្នុងការប្ដូរឈ្មោះស្ថានីយប្រេងរបស់ខ្លួនទៅជា «PEACE Petroleum Cambodia-PPC» ដែលបកប្រែថា «សន្ដិភាព» សំដៅពង្រឹងស្មារតីជាតិនិយម ស្របពេលដែលកម្ពុជាកំពុងមានបញ្ហាជម្លោះជាមួយប្រទេស ថៃ លើបញ្ហាព្រំដែន ។ នៅថ្ងៃទី៤ ខែសីហា ឆ្នាំ២០២៥នេះ ក្រោយឆ្លងកាត់ការជជែកពិភាក្សាជាមួយអ្នកដែល ទិញសិទ្ធិបន្ដ ដើម្បីបើកស្ថានីយប្រេង PTT នៅកម្ពុជាអស់ជាច្រើនថ្ងៃនោះ លោក ទៀ ស្យាម បានបង្ហើបអំពីវឌ្ឍនភាពថ្មីនៃកិច្ចពិភាក្សានេះ…

ពោធិ៍សាត់៖ នារសៀលថ្ងៃទី០៣ ខែសីហា ឆ្នាំ២០២៥ រដ្ឋបាលសាលាខេត្តពោធិ៍សាត់ នារសៀលថ្ងៃទី០៣ ខែសីហា ឆ្នាំ២០២ បានរៀបចំព្រឹត្តិការណ៍ដង្ហែទង់ជាតិខ្មែរ ក្នុងទីប្រជុំជនក្រុងពោធិ៍សាត់ ក្រោមប្រធានបទ «ស្មារតីប្រជាជនខេត្តពោធិ៍សាត់ រួមគ្នាថែរក្សាជាតិមាតុភូមិ» ដោយវត្តមានលោក ម៉ក់ រ៉ា ប្រធានក្រុមប្រឹក្សាខេត្ត និងលោក ខូយ រីដា អភិបាលខេត្តពោធិ៍សាត់ ព្រមទាំងសមាជិកសមាជិកាក្រុមប្រឹក្សា គណៈអភិបាលខេត្ត ស្រុក ក្រុង មន្ត្រីរាជការ កងកម្លាំងប្រដាប់អាវុធទាំង៣ ព្រះសង្ឃ ក្រុមយុវជន លោកគ្រូ…

ប៉ៃលិន៖ នៅថ្ងៃទី ៤ ខែ សីហា ឆ្នាំ ២០២៥ ទេសរដ្ឋមន្ត្រី អ៊ី ឈាន ប្រធានក្រុមការងាររាជរដ្ឋាភិបាល ចុះមូលដ្ឋានខេត្ត ប៉ៃលិន បាននាំយកស្បៀងអាហារដែលបានទទួលពីសប្បុរសជន ទៅឧបត្ថម្ភប្រជាការពារភូមិទូទាំងខេត្ត។ ការជួយឧបត្ថម្ភនេះមានគោល បំណងលើកទឹកចិត្ត និងគាំទ្រដល់កម្លាំងប្រជាការពារ ដែលកំពុងសហការជាមួយ កងកម្លាំងជួរមុខក្នុងការការពារសន្តិសុខសណ្តាប់ធ្នាប់ នៅតាមមូលដ្ឋាន និងតាមខ្សែព្រំដែន ក្នុងស្ថានភាពប្រទេសជាតិកំពុងប្រឈមនឹងសង្គ្រាមឈ្លានពានពីប្រទេសថៃ។ លោកអ៊ី ឈាន បានបញ្ជាក់ថា ប្រជាការពារមានតួនាទីសំខាន់ក្នុងការពារសន្តិសុខសហ គមន៍ ដោយទប់ស្កាត់បទល្មើស ផ្សេងៗ…

ចិន និង រុស្ស៊ី បានចាប់ផ្ដើមសមយុទ្ធជើងទឹករួម JOINT SEA-2025 រយៈពេល ៣ ថ្ងៃ ចាប់ពីថ្ងៃទី ៣ សីហា នៅសមុទ្រ​ជប៉ុន ក្បែរ​កំពង់ផែ​វ្ល៉ាឌីវ៉ូស្តុក។ សមយុទ្ធនេះមានគោលបំណងពង្រឹងកិច្ចសហការយុទ្ធសាស្ត្ររវាងមហាអំណាចទាំងពីរ ។ ការហ្វឹកហាត់រួមរួមមានសង្គ្រោះក្រោមទឹក ប្រឆាំងនាវាមុជទឹក ការពារអាកាស ប្រឆាំង មីស៊ីល និងប្រយុទ្ធក្នុងសមុទ្រ។ ចិនបានផ្ញូនាវា ៤គ្រឿង រួមមាន នាវាពិឃាតបាញ់មីស៊ីល២គ្រឿងចូលរួមជាមួយកងនាវាចម្បាំង រុស្ស៊ី។ បន្ទាប់ពីសមយុទ្ធ ៣ ថ្ងៃ…